【暖心印傭】外傭愛錫少主如親孫女引網民共鳴　港媽感恩：帶埋我女去過年冇問我拎錢

5月2日為印尼開齋節，而本港亦有不少印尼籍外傭趁同日為本港勞動節補假，而慶祝這個在印尼如同農曆新年的日子。有港媽僱主則在社交平台分享暖心故事，指家中的印傭姐姐，對其女兒猶如親生女般愛錫，連續多年都會在開齋節，帶囡囡外出「過年」。港媽又分享女兒與姐姐的朋友一同載歌載舞的影片，可謂樂也融融。

而帖文亦引起不少網民共鳴，有人表示家傭姐姐也會帶小朋友外出一同過節；有網民則回憶小時候，姐姐經常在放假時帶自己外出，與其他印傭姐姐一齊玩，「成班姐姐當我係公主，玩得好開心」。

港媽在Facebook群組「外傭僱主必看新聞訊息」發文，表示「姐姐帶咗我女去過年，其實連續帶咗幾年，姐姐真係好錫我啲女，當佢哋係孫咁錫，帶佢邊度玩都唔會問我拎錢。」該港媽大讚姐姐不計較，且待人坦誠，因此對她頗為感恩。

最新影片推介：

港媽又上載一條短片，片中女兒與印傭姐姐的朋友，在印尼文背景音樂中載歌載舞，頗為歡樂。

帖文贏得不少網民讚好。有人也分享，自家印傭同樣會帶小朋友一同外出放假「我個姐姐都係放假都帶埋我細囡去跳舞，成班跳舞朋友都咁錫我個囡。呢啲真係幸運又感恩」；「我姐姐今日都帶BB去街街，同朋友過節，玩都勁開心，我又可以抖下」；「我之前個姐姐放假都帶埋我個女，又買勁多野返屋企」。

▼點擊圖片放大

+5

+4

有網民則想起兒時與姐姐共渡的歡樂時光，「我諗起細個湊我嘅姐姐，由於我爸媽一星期七日都返工，佢成日帶我出去放假。真係成班姐姐當我係公主，佢地冇比鮑參翅肚我，什至教我用手食飯。冇城堡只有紙皮，冇電視但唔知點解玩得好開心，仲要玩到攰佢自己出錢搭的士返去。我媽成日鬧佢帶我去污糟地方食污糟野，但其實我次次去都玩得超開心。」

《香港經濟日報》TOPick新聞「第三屆全港小學生中文作文大賽」 立即參加︰https://bit.ly/3CrwGul

hket App已全面升級，TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」，更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯：王明芳